103 നക്സലൈറ്റുകൾ  കീഴടങ്ങി.

ബസ്തർ: ബിജാപൂരിൽ 23 സ്ത്രീകൾ ഉൾപ്പെടെ 103 നക്സലൈറ്റുകൾ ജില്ലാ പോലീസ് മേധാവിയുടെ മുന്നിൽ ആയുധം വച്ച് കീഴടങ്ങി. കേന്ദ്ര ആഭ്യന്തരമന്ത്രി അമിത് ഷായുടെ ബസ്തർ സന്ദർശനത്തിന് ദിവസങ്ങൾക്ക് തൊട്ടുമുൻപാണ് കീഴടങ്ങൽ. കീഴടങ്ങിയവരിൽ ദണ്ഡകാരണ്യ സ്പെഷ്യൽ ജനതാന ഗവൺമെന്റിന്റെ പ്രസിഡന്റ്, പീപ്പിൾസ് കോൺഗ്രസ് അംഗങ്ങൾ, എസിഎംമാർ, ഡിവിസിഎംമാർ, ജനതാന ഗവൺമെന്റ് അംഗങ്ങൾ, മിലിഷ്യ പ്ലാറ്റൂൺ കേഡർമാർ, സിഎൻഎം, കെഎഎംഎസ്, ഡിഎകെഎംഎസ് തുടങ്ങിയ മുന്നണി സംഘടനകളിലെ പ്രവർത്തകർ ഉൾപ്പെടുന്നു.ആകെ 49 പേർക്ക് ആകെ 1.06 കോടി രൂപ പാരിതോഷികം ലഭിച്ചു. സംസ്ഥാന സർക്കാരിന്റെ കീഴടങ്ങൽ, പുനരധിവാസ നയം പ്രകാരം ഓരോരുത്തർക്കും 50,000 രൂപ പ്രോത്സാഹന തുകയായി നൽകി.