ചിറയിൻകീഴിലെ കയ്യാങ്കളി.റിപ്പോർട്ട് കെപിസിസി അധ്യക്ഷന് സമർപ്പിച്ചു
ചിറയിൻകീഴിലെ കയ്യാങ്കളി വിഷയത്തിൽ രമ്യ ഹരിദാസ് എംഎൽഎയ്ക്ക് ഗുരുതരമായ വീഴ്ച സംഭവിച്ചെന്ന് എം.എം ഹസൻ നേരത്തെ വ്യക്തമാക്കിയിരുന്നു.
തിരുവനന്തപുരം: ചിറയിൻകീഴിലെ കയ്യാങ്കളിയിൽ കെപിസിസി അധ്യക്ഷന് റിപ്പോർട്ട് സമർപ്പിച്ചു. കെപിസിസി അധ്യക്ഷനാണ് നടപടി സംബന്ധിച്ച കാര്യങ്ങൾ തീരുമാനിക്കുക. അന്വേഷണ സമിതിയുടെ കണ്ടെത്തലുകൾ ശുപാർശയായി സമർപ്പിച്ചിട്ടുണ്ട്. നടപടി സംബന്ധിച്ച കാര്യങ്ങൾ കെപിസിസി അധ്യക്ഷൻ മാധ്യമങ്ങളെ അറിയിക്കും.
ചിറയിൻകീഴിലെ കയ്യാങ്കളി വിഷയത്തിൽ രമ്യ ഹരിദാസ് എംഎൽഎയ്ക്ക് ഗുരുതരമായ വീഴ്ച സംഭവിച്ചെന്ന് എം.എം ഹസൻ നേരത്തെ വ്യക്തമാക്കിയിരുന്നു. കെപിസിസി ഭാരവാഹി യോഗത്തിലാണ് അദ്ദേഹത്തിൻ്റെ പ്രതികരണം. രമ്യയുടെ നടപടികൾ ഉചിതമായില്ലെന്ന് യോഗത്തിൽ നേതാക്കൾ വിമർശിച്ചു.
ഒരു ജനപ്രതിനിധി ഒരിക്കലും ചെയ്യാൻ പാടില്ലാത്ത കാര്യമാണെന്നും മുതിർന്ന നേതാക്കൾ പറഞ്ഞു. ആരും രമ്യ ഹരിദാസിനെ പിന്തുണക്കുന്ന നിലപാടെടുത്തില്ല. അന്വേഷണസമിതി ഇന്ന് തന്നെ റിപ്പോർട്ട് കെപിസിസി പ്രസിഡൻ്റിന് കൈമാറും. രമ്യക്കെതിരെ കർശനമായ നടപടികൾ ഉണ്ടാകുമെന്നാണ് സൂചന.
