ജെഡിഎസ് കേരളാ ഘടകം പ്രതിസന്ധിയിൽ

പാലക്കാട്: ജെഡിഎസ് കേരള ഘടകം വലിയ പ്രതിസന്ധിയിലേക്ക്. ദേശീയതലത്തിൽ പാർട്ടി ബിജെപി യോട് അടുക്കുന്ന സാഹചര്യത്തിൽ ജെഡിഎസ് കേരളാ ഘടകത്തെ കാത്തിരിക്കുന്നത് വലിയ പ്രതിസന്ധി. എൽഡിഎഫിൽ തുടരുമെന്ന് മന്ത്രി കെ കൃഷ്ണൻകുട്ടി ആവർത്തിക്കുമ്പോഴും അതെങ്ങനെ എന്ന ചോദ്യം അവശേഷിക്കുന്നു . പാർട്ടി ദേശീയ നേതൃത്വം എൻഡിഎയിൽ ചേരാനുള്ള ശ്രമങ്ങൾ നടത്തുന്നതിനിടെയാണ് കേരളാ ഘടകം നിലപാട് വ്യക്തമാക്കിയിരിക്കുന്നത്. ദേശീയ തലത്തിൽ പാർട്ടി സഖ്യമുണ്ടാക്കിയാലും കേരളത്തിൽ അത് ബാധിക്കില്ലെന്ന് കൃഷ്ണൻകുട്ടി അതേസമയം നാളെ നടക്കാനിരിക്കുന്ന എൻഡിഎ യോഗത്തിലേക്ക് ക്ഷണം കാത്തിരിക്കുകയാണ് കർണാടകത്തിൽ ജെഡിഎസ്. എൻഡിഎ സഖ്യയോഗത്തിലേക്ക് ക്ഷണം ലഭിക്കുമെന്ന പ്രതീക്ഷയിലാണ് കുമാരസ്വാമിയും പിതാവ് മുൻ പ്രധാനമന്ത്രി ദേവഗൗഡയും. യോഗത്തിലേക്ക് ക്ഷണം ലഭിച്ചാൽ പങ്കെടുക്കുന്ന കാര്യം ആലോചിക്കുമെന്ന് ദേവഗൗഡ വ്യക്തമാക്കിയിട്ടുണ്ട് .