നഴ്സിങ് കോളേജിലെ റാഗിങ്.പ്രതികൾക്ക് ജാമ്യം

കോട്ടയം ഗവൺമെൻ്റ് നഴ്സിങ് കോളേജിലെ റാഗിങ് കേസിലെ പ്രതികൾക്ക് കോട്ടയം ജില്ലാ സെഷൻസ് കോടതി ജാമ്യം അനുവദിച്ചു.

വിദ്യാർത്ഥികളായ സാമുവൽ ജോൺസൺ, എസ് എൻ ജീവ, റിജിൽ ജിത്ത്, കെ പി രാഹുൽ രാജ്, എൻ വി വിവേക് എന്നീ പ്രതികൾക്കാണ് ജാമ്യം ലഭിച്ചത്. പ്രതികളുടെ പ്രായം, മുമ്പ് കുറ്റകൃത്യത്തിൽ പങ്കാളികളല്ല എന്നിവ കണക്കിലെടുത്താണ് ജാമ്യം. ഈ കേസിൽ അന്വേഷണ സംഘം കുറ്റപത്രം സമർപ്പിച്ചതാണ്.

പ്രതികൾ നടത്തിയ കുറ്റകൃത്യങ്ങൾ കൃത്യമായി കുറ്റപത്രത്തിൽ വിവരിക്കുന്നുണ്ട്.
നവംബർ മുതൽ നാല് മാസമാണ് ജൂനിയർ വിദ്യാർത്ഥികളെ പ്രതികൾ തുടർച്ചയായി ആക്രമിച്ചത്.
കഴിഞ്ഞ നവംബർ മാസത്തിൽ തുടങ്ങിയ ക്രൂരമായ റാഗിങ്ങ് ഫെബ്രുവരിയിൽ കേസ് ആകുന്നതു വരെ പ്രതികൾ തുടർന്നു. ജൂനിയർ വിദ്യാർത്ഥികളെ ക്രൂരമായി പീഡിപ്പിക്കുന്ന ദൃശ്യങ്ങൾ ഫോണിൽ പകർത്തിയും പ്രതികൾ സന്തോഷം കണ്ടെത്തി. ഈ ദൃശ്യങ്ങളാണ് കേസിലെ നിർണായക തെളിവ്.
കേസിൽ 40 സാക്ഷികളേയും 32 രേഖകളും ഉണ്ട്.
അന്വേഷണ സംഘം 45 ദിവസം കൊണ്ടാണ് അന്വേഷണം പൂർത്തിയാക്കി കുറ്റപത്രം സമർപ്പിച്ചത്.