സതീശൻ നേതൃത്വത്തിലെത്തണം;  മണിശങ്കർ അയ്യർ

കേരളത്തിൽ യുഡിഎഫിൻ്റെ മുഖ്യമന്ത്രി സ്ഥാനാർത്ഥിയായി പ്രതിപക്ഷ നേതാവ് വിഡി സതീശനെ പിന്തുണച്ച് മുതിർന്ന കോൺഗ്രസ് നേതാവ് മണിശങ്കർ അയ്യർ. കോൺഗ്രസുകാരനെന്ന നിലയിൽ എനിക്ക് യു.ഡി.എഫ് വിജയിക്കണം. എന്നാൽ ഗാന്ധീയനെന്ന നിലയിൽ സത്യം പറയേണ്ടതുണ്ട്. കേരളത്തിൽ വീണ്ടും പിണറായി സർക്കാർ വരും. വിഡി സതീശനെ നേതൃനിരയിൽ നിർത്തുകയാണെങ്കിൽ ഞാനെൻ്റെ വാക്കുകൾ പിൻവലിക്കും. ശശി തരൂരോ മറ്റാരെങ്കിലുമോ കേരളത്തിൻ്റെ മുഖ്യമന്ത്രി സ്ഥാനാർത്ഥിയാവുകയാണെങ്കിൽ എനിക്ക് ചിന്തിക്കേണ്ടതുണ്ട്. വിഡി സതീശൻ ഫസ്റ്റ്ക്ലാസ് നേതാവാണ്. സതീശൻ സെക്കുലറും സോഷ്യലിസ്റ്റുമാണ്. അദ്ദേഹം ബി.ജെ.പിക്കും എൽഡിഎഫിനും എതിരാണ്. അദ്ദേഹം യദാർത്ഥ കോൺഗ്രസുകാരനാണ്. അദ്ദേഹം നെഹറൂവിയൻ കോൺഗ്രസുകാരനാണ്. മല്ലികാർജുൻ ഖാർഗെ ഔദ്യോഗികമായി അറിയിക്കുന്നത് വരെ ഞാൻ കോൺഗ്രസ് പാർട്ടിയുടെ ഭാഗമാണെന്നും മണിശങ്കർ അയ്യർ പറഞ്ഞു.