സുപ്രിം കോടതിയിൽ കെട്ടിക്കിടക്കുന്നത് 82,989 കേസുകൾ

ന്യൂഡൽഹി : സുപ്രിം കോടതി അതിൻ്റെ ദൈനംദിന പ്രവർത്തനങ്ങൾ കാര്യക്ഷമമാക്കാൻ നിരവധി ഐടി സംരംഭങ്ങൾ നടപ്പിലാക്കിയിട്ടുണ്ട്, എന്നിട്ടും കേസുകളുടെ കെട്ടിക്കിടപ്പ് വർദ്ധിച്ചുകൊണ്ടിരിക്കുന്നു. നാഷണൽ ജുഡീഷ്യൽ ഡാറ്റ ഗ്രിഡിൻ്റെ (എൻജെഡിജി) കണക്കനുസരിച്ച് 82,989 കേസുകൾ തീർപ്പാക്കാതെ കിടക്കുന്നു, ഇത് എക്കാലത്തെയും ഉയർന്ന നിരക്കാണ്.
ഇതിൽ 27,729 കേസുകൾ ഒരു വർഷത്തിൽ താഴെയായി തീർപ്പാക്കാത്തവയാണ്. ഈ വർഷം 39,254 കേസുകൾ ഫയൽ ചെയ്‌തപ്പോൾ, 37,259 കേസുകൾ തീർപ്പാക്കാൻ സുപ്രീം കോടതിക്ക് കഴിഞ്ഞു. ഏകദേശം 94.92% തീർപ്പാക്കൽ നിരക്ക് കൈവരിച്ചതായി NJDG കണക്കുകൾ സൂചിപ്പിക്കുന്നു.
മൂന്നംഗ ബെഞ്ചിന് മുന്നിൽ 1,130 കേസുകളും അഞ്ചംഗ ഭരണഘടനാ ബെഞ്ചിന് മുന്നിൽ 274 കേസുകളും ഏഴംഗ ഭരണഘടനാ ബെഞ്ചിന് മുന്നിൽ 37 കേസുകളും ഒമ്പതംഗ ബെഞ്ചിന് മുന്നിൽ 136 കേസുകളും തീർപ്പുകൽപ്പിക്കാതെ കിടക്കുന്നു.