ഭീകരവാദത്തോട് വിട്ടുവീഴ്ചയില്ലെന്ന് പ്രധാനമന്ത്രി നരേന്ദ്രമോദി
അവിടെനിന്ന് വെടിയുണ്ടകള് തൊടുത്താല് ഇവിടെനിന്ന് ഷെല്ലുകള് തൊടുക്കും.ഓപ്പറേഷന് സിന്ദൂര് അവസാനിച്ചിട്ടില്ല. അവര് വെടിവച്ചാല് തങ്ങള് വെടിവയ്ക്കും
ന്യൂഡൽഹി : വെടിനിര്ത്തിയാലും പാക് ഭീകരവാദത്തോട് വിട്ടുവീഴ്ചയില്ലെന്ന് വ്യക്തമാക്കി പ്രധാനമന്ത്രി നരേന്ദ്രമോദി. പാകിസ്താന് അടിച്ചാല് ഇരട്ടിയായി തിരിച്ചടിക്കും. ഭീകരത അവസാനിപ്പിക്കുംവരെ സിന്ധു നദീജല ഉടമ്പടി മരവിപ്പിക്കും.
ഓപ്പറേഷന് സിന്ദൂറുമായി ബന്ധപ്പെട്ട് ഇന്ത്യ നിലപാട് വിശദീകരിച്ചു. പാകിസ്താനിലെ ബഹവല്പൂരിലുള്ള ജെയ്ഷെ-ഇ-മുഹമ്മദ് ആസ്ഥാനം തകര്ത്തത് ഉഗ്രപ്രഹര ശേഷിയുള്ള ആയുധം ഉപയോഗിച്ചെന്നും അത് ഇന്ത്യ നല്കിയ ശക്തമായ സന്ദേശം ആണെന്നും വ്യക്തമാക്കി. ഇന്ത്യയുടെയും പാകിസ്താന്റെയും വിദേശകാര്യ മന്ത്രിമാരും ദേശീയ സുരക്ഷാ ഉപദേഷ്ടാക്കളും തമ്മില് ഒരു ചര്ച്ചയും നടന്നില്ല. ഇരു രാജ്യങ്ങളിലെയും DGMO മാര് തമ്മിലെ ചര്ച്ച നടന്നിട്ടുള്ളൂ. വ്യക്തമായ നിര്ദേശങ്ങള് നല്കിയെന്നും പ്രധാനമന്ത്രി വ്യക്തമാക്കി.
അവിടെനിന്ന് വെടിയുണ്ടകള് തൊടുത്താല് ഇവിടെനിന്ന് ഷെല്ലുകള് തൊടുക്കും.ഓപ്പറേഷന് സിന്ദൂര് അവസാനിച്ചിട്ടില്ല. അവര് വെടിവച്ചാല് തങ്ങള് വെടിവയ്ക്കും. അവര് ആക്രമിച്ചാല് തങ്ങള് ആക്രമിക്കും. ഓപ്പറേഷന് സിന്ദൂര് നടത്തിയതിലൂടെ ഇന്ത്യ മൂന്ന് ലക്ഷ്യങ്ങളും നേടിയെടുത്തു.തങ്ങളുടെ മണ്ണില് തന്നതിനെ ബഹാവല്പൂര്, മുറിദ്കെ, മുസാഫറാബാദ് ക്യാമ്പുകളുടെ മണ്ണില് തിരിച്ചു നല്കി എന്നും വിശദമാക്കിയിട്ടുണ്ട്.
