യുഡിഎഫിനെതിരെ രൂക്ഷവിമർശനവുമായി പിവി അൻവർ
നിലമ്പൂർ: ഉപതിരഞ്ഞെടുപ്പിൽ സ്ഥാനാർത്ഥിയെ പ്രഖ്യാപിച്ചതിലും തൃണമൂല് കോണ്ഗ്രസിനെ മുന്നണിയിലെടുക്കാത്തതിലും പ്രതിഷേധിച്ച് യുഡിഎഫിനെതിരെ രൂക്ഷവിമർശനവുമായി പിവി അൻവർ.
“എന്നെ വസ്ത്രാക്ഷേപം നടത്തി തെരുവിലേക്ക് ദയാവധത്തിന് വിട്ടുകൊടുത്തു, മുഖത്ത് ചെളിവാരി എറിഞ്ഞു” പിവി അൻവര് വാര്ത്താസമ്മേളനത്തിൽ പറഞ്ഞു.
“യുഡിഎഫിൽനിന്ന് നീതി ലഭിച്ചില്ലെങ്കിൽ നിലമ്പൂരിൽ തനിച്ച് മത്സരിക്കും, പ്രചാരണത്തിനായി ബംഗാൾ മുഖ്യമന്ത്രി മമത ബാനര്ജിയെ എത്തിക്കും” പിവി അൻവര് കൂട്ടിച്ചർത്തു.അതിനിടെ നിലമ്പൂരില് നിലപാട് വ്യക്തമാക്കേണ്ടത് അന്വറാണെന്ന് പ്രതിപക്ഷ നേതാവ് വി ഡി സതീശന് മാധ്യമങ്ങളോട് പറഞ്ഞു. യുഡിഎഫുമായി സഹകരിക്കണമോയെന്ന് തീരുമാനിക്കേണ്ടത് അന്വറാണ്. ഈ തെരഞ്ഞെടുപ്പിൽ സഹകരിക്കുന്ന കാര്യത്തില് അൻവറിന്റെ നിലപാട് നോക്കി യുഡിഎഫും തീരുമാനമെടുക്കുമെന്ന് സതീശന് കൂട്ടിച്ചേര്ത്തു.
