റാപ്പർ വേടൻ  സർക്കാരിനു വേണ്ടി  പാടുന്നു

ഇടുക്കി : ലഹരിക്കേസിലും പിന്നാലെ പുലിപ്പല്ല് കേസിലും അറസ്റ്റിലായ പ്രശസ്ത റാപ്പർ വേടൻ  സർക്കാരിൻ്റെ ഇടുക്കിയിലെ വാർഷികാഘോഷത്തിൽ പാടുന്നു.

ഇന്ന് വൈകിട്ട് ഏഴുമണിക്ക് വാഴത്തോപ്പ് വൊക്കേഷണൽ ഹയർ സെക്കൻഡറി സ്കൂൾ മൈതാനിയിലാണ് വേടൻ്റെ പരിപാടി.

പിണറായി വിജയൻ സർക്കാരിന്റെ നാലാം വാർഷികത്തോടനുബന്ധിച്ചുള്ള ‘എന്റെ കേരളം’ പ്രദർശന വിപണന മേളയിലാണ് വേടൻ പാടുന്നത്.

നേരത്തെ കേസിൽ അറസ്റ്റിലായതിന് പിന്നാലെ ഈ പരിപാടിയിൽ നിന്നും വേടനെ മാറ്റിയിരുന്നു.ഉദ്ഘാടന ദിവസമായ ഏപ്രിൽ 29ന് പരിപാടി അവതരിപ്പിക്കാനായിരുന്നു ആദ്യം തീരുമാനിച്ചിരുന്നത്. പിന്നാലെ 28-ാം തീയ്യതി കഞ്ചാവ് കേസിൽ വേടൻ അറസ്റ്റിലായതോടെ ഈ പരിപാടി റദ്ദാക്കി. കഞ്ചാവ് കേസിൽ അറസ്റ്റിലായ വേടൻ പുലിപ്പല്ലു കൊണ്ടുള്ള ലോക്കറ്റുള്ള മാല ഉപയോഗിച്ചതിൻ്റെ പേരിൽ വനംവകുപ്പും അറസ്റ്റ് ചെയ്തു. ഈ കേസുകളിലെല്ലാം ജാമ്യം ലഭിച്ചതിന് പിന്നാലെ സിപിഐഎമ്മും സിപിഐയും വേടന് പിന്തുണ പ്രഖ്യാപിച്ചിരുന്നു.