ജമാഅത്തെ ഇസ്ലാമി പിന്തുണ സ്വീകരിക്കും. വി ഡി സതീശൻ.
തിരുവനന്തപുരം : നിയമസഭാ തിരഞ്ഞെടുപ്പിൽ ജമാഅത്തെ ഇസ്ലാമി പിന്തുണ സ്വീകരിക്കുമെന്ന് പ്രതിപക്ഷ നേതാവ് വി ഡി സതീശൻ. പുതുയുഗ യാത്രയ്ക്ക് മുൻപ് മാധ്യമങ്ങളെ കാണവെ ജമാഅത്തെ ഇസ്ലാമി യുഡിഎഫിന് പിന്തുണ വാഗ്ദാനം ചെയ്താൽ സ്വീകരിക്കും എന്നാണ് പ്രതിപക്ഷ നേതാവിൻ്റെ പ്രതികരണം. ജമാഅത്തെ ഇസ്ലാമിക്ക് മതരാഷ്ട്ര വാദമില്ലെന്ന് അവർ തന്നെ പറഞ്ഞിട്ടുണ്ട്. അവരുടെ ആ നിലപാടിൽ വ്യക്തതയുണ്ട്. ജമാഅത്തെ ഇസ്ലാമിക്ക് മതരാഷ്ട്ര വാദ നിലപാടുള്ളപ്പോൾ ഇടതുപക്ഷത്തിനൊപ്പമായിരുന്നു. സിപിഎമ്മിനൊപ്പം നിൽക്കുമ്പോൾ ജമാഅത്തെ ഇസ്ലാമികൾ മതേതരവാദികളും സിപിഎം വിട്ടാൽ വർഗീയവാദികളുമാകുമെന്ന നിലപാടിനോട് യോജിക്കാനാവില്ലെന്നു സതീശൻ പറഞ്ഞു
