സ്കൂളുകളിൽ സൂംബ, യോഗ  ക്ലാസുകൾ നടത്താനുള്ള നീക്കം വിവാദമാകുന്നു

തിരുവനന്തപുരം : സംസ്ഥാനത്തെ സ്കൂളുകളിൽ സൂംബ, യോഗ തുടങ്ങിയ ക്ലാസുകൾ നടത്തുന്നതിനെതിരെ ചില എതിർപ്പുകൾ വ്യാപകം. സംഭവം വിവാദമായതോടെ വിശദീകരണവുമായി മന്ത്രി രംഗത്ത്.മയക്കുമരുന്ന് വിരുദ്ധ പ്രചാരണത്തിന്റെയും ബോധവൽക്കരണ ക്ലാസുകളുടെയും ഭാഗമായാണ് ഇത് നടത്തുന്നതെന്ന് എതിർക്കുന്നവർ മനസ്സിലാക്കണമെന്ന് വിദ്യാഭ്യാസ മന്ത്രി വി ശിവൻകുട്ടി.അത്തരം എതിർപ്പുകൾ നമ്മുടെ സമൂഹത്തിൽ മയക്കുമരുന്നിനേക്കാൾ വലിയ വിഷം പടർത്തും. വിദ്യാഭ്യാസ മേഖലയെ മെച്ചപ്പെടുത്തുന്നതിന് പകരം വർഗീയതയ്ക്കും ഭിന്നതയ്ക്കും ഇത് വഴിയൊരുക്കുമെന്നും മന്ത്രി പറഞ്ഞു. സ്കൂളിൽ നടക്കുന്നതെല്ലാം പതിവ് വ്യായാമമാണ്. സ്കൂൾ യൂണിഫോമിലാണ് കുട്ടികൾ ഇത് ചെയ്യുന്നതെന്നും അൽപ വസ്ത്രം ധരിക്കാൻ ആരും നിർദേശിച്ചിട്ടില്ലെന്നും മന്ത്രി കൂട്ടിച്ചേർത്തു.