മണ്ണിടിച്ചിലില് കാണാതായവരില് മലയാളി ലോറി ഡ്രൈവറും.
ബംഗളൂരു: കർണാടക ഷിരൂരിൽ ദേശീയപാതയിലുണ്ടായ മണ്ണിടിച്ചിലില് കാണാതായവരില് മലയാളി ലോറി ഡ്രൈവറും. കോഴിക്കോട് സ്വദേശി അർജുനെയാണ് കാണാതായത്. അര്ജുനും ലോറിയും മണ്ണിനടിയിലെന്നാണ് സംശയം. ജിപിഎസ് സംവിധാനം വഴി പരിശോധിക്കുമ്പോള് മണ്ണിനടിയിലാണ് ലോറിയുടെ ലൊക്കേഷന് കാണിക്കുന്നത്. അര്ജുന്റെ ഫോണ് രണ്ട് തവണ ഓണായെന്ന് ലോറി ഉടമ പറഞ്ഞു.
നിരവധി വാഹനങ്ങള് മണ്ണിനടിയില് കുടുങ്ങിയതായാണ് റിപ്പോര്ട്ടുകള്. രക്ഷാപ്രവര്ത്തനം പുരോഗമിക്കുകയാണ്. അര്ജുനെ കണ്ടെത്താനുള്ള അടിയന്തര ഇടപെടലിന് മുഖ്യമന്ത്രി നിർദേശം നൽകിയിട്ടുണ്ട്. അർജുനെ കണ്ടെത്താൻ ശ്രമിക്കുന്നുവെന്നും കർണാടക ഗതാഗത മന്ത്രിയുമായി ഇക്കാര്യം സംസാരിച്ചെന്നും അന്വേഷണത്തിന് കാസർകോട് കലക്ടറെ ചുമതലപ്പെടുത്തിയെന്നും ഗതാഗത മന്ത്രി എം.ബി.ഗണേഷ് കുമാർ പറഞ്ഞു.
