സാബു തോമസിനെതിരെ വിവാദ പ്രസ്താവനയുമായി എം എം മണി എംഎല്എ
സാബുവിന് എന്തെങ്കിലും മാനസിക പ്രശ്നം ഉണ്ടായിരുന്നോയെന്നും ചികിത്സ ചെയ്തിരുന്നോ എന്നുമൊക്കെയുള്ള കാര്യങ്ങള് പരിശോധിക്കേണ്ടതാണെന്നും അതിൻ്റെ പാപഭാരം സിപിഐഎമ്മിന്റെ തലയില് കെട്ടിവെക്കാന് ആരും ശ്രമിക്കേണ്ടെന്നും എംഎം മണി
ഇടുക്കി : കട്ടപ്പനയിൽ നിക്ഷേപകൻ സാബു തോമസ് ജീവനൊടുക്കിയ സംഭവത്തിന് പിന്നാലെ നിക്ഷേപ തുക തിരികെ നൽകി സഹകരണ സൊസൈറ്റി.നിക്ഷേപിച്ച പണം തിരികെ ചോദിച്ചപ്പോൾ ഉദ്യോഗസ്ഥർ അപമാനിച്ചുവെന്നാരോപിച്ചാണ് ഇതിൽ മനംനൊന്ത സാബു ആത്മഹത്യ ചെയ്തിരുന്നത്. 14,59,940 രൂപയാണ് തിങ്കളാഴ്ച കുടുംബത്തിന് തിരികെ നൽകിയിരിക്കുന്നത്. അതിനിടെ സാബു തോമസിനെതിരെ വിവാദ പ്രസ്താവനയുമായി എം എം മണി എംഎല്എ രംഗത്തെത്തി. സാബുവിന് എന്തെങ്കിലും മാനസിക പ്രശ്നം ഉണ്ടായിരുന്നോയെന്നും ചികിത്സ ചെയ്തിരുന്നോ എന്നുമൊക്കെയുള്ള കാര്യങ്ങള് പരിശോധിക്കേണ്ടതാണെന്നും അതിൻ്റെ പാപഭാരം സിപിഐഎമ്മിന്റെ തലയില് കെട്ടിവെക്കാന് ആരും ശ്രമിക്കേണ്ടെന്നും എംഎം മണി പറഞ്ഞു. കട്ടപ്പന റൂറല് ഡവലപ്പ്മെന്റ് കോഓപ്പറേറ്റീവ് സൊസൈറ്റിക്ക് മുന്നിലെ ആത്മഹത്യയുമായി ബന്ധപ്പെട്ട് എല്ഡിഎഫിൻ്റെ നയവിശദീകരണയോഗം ഉദ്ഘാടനം ചെയ്യവെയാണ് എം എം മണിയുടെ പരാമര്ശം.
അനുബന്ധ വാർത്തകൾ
തെളിവുകൾ കിട്ടുന്ന മുറയ്ക്ക് കൂടുതല് വകുപ്പുകള് ചേര്ക്കാനാണ് തീരുമാനം
നിക്ഷേപകൻ്റെ ആത്മഹത്യ; പ്രത്യേക അന്വേഷണ സംഘം മൊഴിയെടുക്കും
സാബു ബാങ്കിൽ എത്തിയ സമയത്തെ സിസിടിവി ദൃശ്യങ്ങൾ പൊലീസ് ശേഖരിച്ചിട്ടുണ്ട്. ഇത് വിശദമായി പരിശോധിക്കും
സാബുവിനെ സിപിഎം നേതാവ് ഭീഷണിപ്പെടുത്തി!
കട്ടപ്പന റൂറല് ഡെവലപ്മെൻ്റ് കോ ഓപ്പറേറ്റീവ് സൊസൈറ്റിക്ക് മുന്പിലാണ് സംഭവം
കട്ടപ്പനയിൽ ബാങ്കിന് മുന്നിൽ നിക്ഷേപകൻ ജീവനൊടുക്കി
10 ലക്ഷം രൂപ ധനസഹായം നല്കുമെന്ന് വനം മന്ത്രി എ കെ ശശീന്ദ്രന് അറിയിച്ചു.
കാട്ടാന ആക്രമണം; അമറിന്റെ കുടുംബത്തിന് 10 ലക്ഷം ധനസഹായം
വണ്ണപ്പുറം പഞ്ചായത്തിലാണ് ഹർത്താലിന് ആഹ്വാനം ചെയ്തിരിക്കുന്നത്
കാട്ടാന ആക്രമണം; വണ്ണപ്പുറത്ത് സംയുക്ത ഹർത്താൽ തുടങ്ങി
റൂറല് ഡവലപ്പ്മെന്റ് കോ-ഓപ്പറേറ്റീവ് സൊസൈറ്റിക്ക് മുന്പിലാണ് സാബു ജീവനൊടുക്കിയിരുന്നത്. സാബുവിന്റെ ആത്മഹത്യ കുറിപ്പും കണ്ടെത്തിയിരുന്നു. ഭാര്യയുടെ ചികിത്സയ്ക്കായാണ് ബാങ്കില് നിന്നും നിക്ഷേപ തുക തിരികെ ആവശ്യപ്പെട്ടത്. എന്നാല് ബാങ്ക് ജീവനക്കാര് പണം നല്കാന് തയ്യാറായില്ലെന്നും തന്നെ പിടിച്ചുതള്ളുകയും അസഭ്യം പറയുകയും ചെയ്തുവെന്നും ആരോപിക്കുന്ന ആത്മഹത്യാകുറിപ്പ് കണ്ടെത്തിയിരുന്നു. തൻ്റെ സമ്പാദ്യം മുഴുവനും ബാങ്കില് നിക്ഷേപിച്ചിരുന്നു. തന്റെ മരണത്തിന് ഉത്തരവാദി ബാങ്ക് ആണെന്നും കത്തില് ആരോപിച്ചിരുന്നു. അതിനിടെ സാബുവിനെ സിപിഐഎം നേതാവ് ഭീഷണിപ്പെടുത്തുന്ന ഭീഷണി സന്ദേശവും പുറത്ത് വന്നിരുന്നു.
