മെഡിക്കല് കോളജിലെ തീപിടുത്തം. ഗുരുതര വീഴ്ചയെന്നു ബന്ധുക്കൾ
തിരുവനന്തപുരം മെഡിക്കല് കോളജിലെ മള്ട്ടി സ്പെഷ്യാലിറ്റി ബ്ലോക്കില് തീപിടുത്തമുണ്ടായതിന് പിന്നാലെ അഞ്ച് മരണങ്ങള് സ്ഥിരീകരിച്ചതില് ഗുരുതര ആരോപണവുമായി മരണപ്പെട്ട ഒരാളുടെ കുടുംബം. തീപിടുത്തമുണ്ടായപ്പോള് ജീവന് രക്ഷാ ഉപകരണങ്ങള് മാറ്റിയതാണ് മരണങ്ങള്ക്ക് കാരണമായതെന്നാണ് ആരോപണം. നെയ്യാറ്റിന്കര സ്വദേശി സനീഷിന്റെ ബന്ധുക്കളുടേതാണ് ഗുരുതര ആരോപണം.
മാര്ച്ച് 17നാണ് തിരുവനന്തപുരം മെഡിക്കല് കോളജിലെ മള്ട്ടി സ്പെഷ്യാലിറ്റി ബ്ലോക്കില് രാവിലെ തീപിടുത്തമുണ്ടാകുന്നത്. തീപിടുത്തമുണ്ടായി മണിക്കൂറുകള്ക്കുള്ളില് തന്നെ അഞ്ച് മരണങ്ങള് സ്ഥിരീകരിച്ചുവെന്നാണ് ബന്ധുക്കള് പറയുന്നത്. സനീഷും വെന്റിലേറ്ററില് ചികിത്സയില് കഴിയുന്നതിനിടെയാണ് മരണപ്പെട്ടത്. ഈ വെന്റിലേറ്ററില് നിന്നാണ് തീയും പുകയും ഉയരുന്നത് കണ്ടത്. പിന്നീട് രോഗികളെ അവിടെ നിന്നും മാറ്റുകയായിരുന്നു. സംഭവത്തില് പരാതി സമര്പ്പിക്കാനൊരുങ്ങുകയാണ് സനീഷിന്റെ കുടുംബം. മെഡിക്കല് കോളജ് അധികൃതര് ആരോപണത്തോട് പ്രതികരിച്ചിട്ടില്ല.
