അര്ജുന് ആയങ്കിയെ വെടിവച്ചും പിടിക്കും .
തൃശൂർ :നിരവധി ക്രിമിനല് കേസുകളില് പ്രതിയായ അര്ജുന് ആയങ്കിയ്ക്കായി തിരച്ചില് തുടരുന്നതിനിടെ പൊലീസിന് സുപ്രധാന നിര്ദേശം. അടിയന്തര സാഹചര്യമുണ്ടായാല് അര്ജുന് ആയങ്കിയെ വെടിവയ്ക്കാനാണ് നിര്ദേശം. തൃശ്ശൂര് സിറ്റി പോലീസ് കമ്മീഷണര് വയര്ലെസ്സിലൂടെയാണ് പൊലീസുകാര്ക്ക് നിര്ദ്ദേശം നല്കിയത്. അപകടകരമല്ലാത്ത രീതിയില് വാഹനം കുറുകെയിട്ടും പിടികൂടാം. നകുല് രാജേന്ദ്ര ദേശ്മുഖിന്റെതാണ് നിര്ദേശം.
അര്ജുന് തൃശൂരിലുണ്ടെന്ന് ട്രേസ് ചെയ്ത് നഗരത്തിലും പരിസരത്തുമാകെ പൊലീസ് പരിശോധന നടത്തിയെങ്കിലും പൊലീസിനെ കബളിപ്പിച്ച് അര്ജുന് വണ്ടിമാറിക്കയറി മുങ്ങുകയായിരുന്നു. ഈ സമയത്തും പൊലീസിനെ പരിഹസിച്ചും വെല്ലുവിളിച്ചും ഭീഷണിപ്പെടുത്തിയും അര്ജുന് ആയങ്കി സോഷ്യല് മീഡിയയിലും സജീവമായിരുന്നു
