നഴ്സുമാർക്കെതിരെ നടി കങ്കണാ റണൗട്ടി ന്റെ വിവാദ പരാമര്ശത്തിനെതിരെ ലോക്സഭാ സ്പീക്കര്ക്ക് പരാതി
ഇന്ത്യയിലെ നഴ്സിംഗ് ജോലി ലൈംഗിക വത്കരിക്കപ്പെട്ടെന്നും വിദേശ രീതിയിലുള്ള വേഷം മാറേണ്ടതുണ്ടെന്നുമാണ് നടി പറഞ്ഞത്.
ന്യൂഡൽഹി : നഴ്സുമാരുടെ വേഷത്തെക്കുറിച്ച് നടി കങ്കണാ റണൗട്ട് നടത്തിയ പരാമര്ശത്തിനെതിരെ ലോക്സഭാ സ്പീക്കര്ക്ക് പരാതി. യൂത്ത് കോണ്ഗ്രസ് നേതാവാണ് കത്തയച്ചത്. വിവാദമായെങ്കിലും പരാമര്ശം പിന്വലിക്കാന് നടി തയ്യാറായില്ല. പ്രതിഷേധങ്ങള്ക്കിടെ നടിയെ പിന്തുണച്ച് ബിജെപി നേതാക്കളും രംഗത്തെത്തി.
നഴ്സായി വേഷമിടുന്ന പുതിയ ചിത്രത്തിന്റെ പ്രമോഷന് പരിപാടിക്കിടെയാണ് കങ്കണ വിവാദപരാമര്ശം നടത്തിയത്. ഇന്ത്യയിലെ നഴ്സിംഗ് ജോലി ലൈംഗിക വത്കരിക്കപ്പെട്ടെന്നും വിദേശ രീതിയിലുള്ള വേഷം മാറേണ്ടതുണ്ടെന്നുമാണ് നടി പറഞ്ഞത്. ഒരു എംപി എന്ന പദിവിയിലിരിക്കെ നടി നടത്തിയ പരാമര്ശം അതീവ ഗുരുതരമാണെന്നും കടുത്ത നടപടി വേണമെന്നുമാണ് ലോക്സഭാ സ്പീക്കര്ക്ക് കിട്ടിയ പരാതി. യൂത്ത് കോണ്ഗ്രസ് നേതാവും ഒരു നഴ്സിന്റെ മകനുമായ വിനീത് തോമസാണ് കത്ത് നല്കിയത്.കങ്കണയുടെ പരാമര്ശത്തിനെതിരെ നഴ്സുമാരുടെ സംഘടനകള് അടക്കം പ്രതിഷേധം രേഖപ്പെടുത്തി
