സര്ക്കാര് ആശുപത്രികളില് ജനിക്കുന്ന കുട്ടികള്ക്ക് ഒരു ഗ്രാം സ്വര്ണ മോതിരവും ബേബി കിറ്റും
മധുര: തമിഴ്നാട് സര്ക്കാറിന്റെ അഭിമാനപദ്ധതിയായ തായ്മാമന് തങ്കമോതിരം പദ്ധതി ഇന്ന് മുഖ്യമന്ത്രി സി ജോസഫ് വിജയ് ഉദ്ഘാടനം ചെയ്യും. ഉച്ചയ്ക്ക് 12ന് മധുരയിലെ രാജാജി സര്ക്കാര് ആശുപത്രിയിലാണ് ഉദ്ഘോടനം. തമിഴ്നാട്ടിലെ സര്ക്കാര് ആശുപത്രികളില് ജനിക്കുന്ന കുട്ടികള്ക്ക് ഒരു ഗ്രാം സ്വര്ണ മോതിരവും ബേബി കിറ്റും നല്കുന്നതാണ് പദ്ധതി. 2026 ജൂണ് 22 മുതല് ജനിച്ച കുട്ടികള്ക്ക് പദ്ധതി പ്രകാരം സ്വര്ണമോതിരം ലഭിക്കും.
സെപ്റ്റംബര് 15നായിരുന്നു നേരത്തെ പദ്ധതിയുടെ ഉദ്ഘാടനം നിശ്ചയിച്ചത്. മുഖ്യമന്ത്രിയുടെ വിദേശയാത്ര കാരണമാണ് ഇന്നത്തേയ്ക്ക് ഉദ്ഘാടനം മാറ്റിയത്. പ്രതിവര്ഷം 755.83 കോടി രൂപയാണ് പദ്ധതിയ്ക്കായി മാറ്റിവെച്ചത്. സ്വര്ണത്തിന്റെ ഗുണമേന്മയില് യാതൊരു വിട്ടുവീഴ്ചയും ഉണ്ടാകില്ലെന്നും 916 ഹോള്മാര്ക്കുള്ള സ്വര്ണം ആരോഗ്യമന്ത്രി കെ.ജി അരുണ്രാജ് നേരത്തെ വ്യക്തമാക്കിയിരുന്നു.
ഉപതിരഞ്ഞെടുപ്പ് നടക്കുന്നതിനാല് ചെങ്കല്പേട്ട്, തിരുപ്പൂര് ജില്ലകളില് പദ്ധതി ഇപ്പോള് നടപ്പാക്കില്ല. ഉദ്ഘാടനത്തിന് ശേഷം മുഖ്യമന്ത്രി മധുരയിലെ നവീകരിച്ച ഗാന്ധി മ്യൂസിയം ജനങ്ങള്ക്കായി തുറന്നുകൊടുക്കും. മധുര മീനാക്ഷി ക്ഷേത്രത്തില് ദര്ശനവും നടത്തിയാണ് സി ജോസഫ് വിജയ് മടങ്ങുക.
‘
