മാസപ്പടി കേസില് അന്വേഷണത്തിന് നിര്ദേശം ഉത്തരവിട്ട് ആഭ്യന്തരമന്ത്രി
തിരുവനന്തപുരം : വിവാദമായ മാസപ്പടി കേസില് കേസെടുത്ത് അന്വേഷണം നടത്തണമെന്ന ഇ ഡി ശിപാര്ശയില് അന്വേഷണത്തിന് നിര്ദേശം നല്കി ആഭ്യന്തരമന്ത്രി രമേശ് ചെന്നിത്തല. പ്രതിപക്ഷ നേതാവ് പിണറായി വിജയന്, മകള് വീണ ടി, ഭര്ത്താവും മുന്മന്ത്രിയുമായ പി എ മുഹമ്മദ് റിയാസ് എന്നിവര്ക്കെതിരെയാണ് അന്വേഷണം. ഇ ഡി റിപ്പോര്ട്ട് നല്കി ദിവസങ്ങള് കഴിഞ്ഞിട്ടും അന്തിമ തീരുമാനത്തിലേക്ക് സംസ്ഥാന സര്ക്കാര് കടന്നിരുന്നില്ല. അഴിമതി നിരോധന നിയമപ്രകാരം കേസെടുക്കാനുള്ള തെളിവുകള് ഇഡി റിപ്പോര്ട്ടിലുണ്ടെന്നാണ് നിയമോപദേശം. ഏത് രീതിയിലാണ് അന്വേഷണം എന്നത് സര്ക്കാരിന് തീരുമാനിക്കാം എന്നും നിയമപദേശത്തില് ഉണ്ട്.
ഡിജിപിക്കാണ് ആഭ്യന്തരമന്ത്രി നിര്ദേശം നല്കിയത്. അന്വേഷണത്തിന്റെ സ്വഭാവം ഡിജിപി തീരുമാനിക്കും. പ്രാഥമിക അന്വേഷണം നടത്തണോ അതോ എഫ്ഐആര് എടുത്ത ശേഷം അന്വേഷണം നടത്തണോ എന്ന് തീരുമാനിക്കാനുള്ള അധികാരമാണ് ഡിജിപിക്ക് നല്കിയിരിക്കുന്നത്. എഡിജിപിയുടെ നേതൃത്വത്തിൽ എസ്ഐടി രൂപീകരിച്ചാണ് അന്വേഷണം നടക്കുക. മൂവർക്കുമെതിരെ പ്രാഥമിക അന്വേഷണം രജിസ്റ്റർ ചെയ്തു.
